पूर्वराजा ज्ञानेन्द्र शाहका नाती ह्रदयेन्द्रले नागरिकताको प्रमाणपत्रका लागि आवेदन दिएका छन्। उनले जिल्ला प्रशासन कार्यालय काठमाडौंमा बंशजको नागरिकता पाउन निवेदन दिएका हुन्। नागरिकताको प्रमाणपत्रका लागि काठमाडौं महानगरपालिका वडा नं ३ ले सिफारिस गरेको छ।
२०५९ साल साउन १४ गते जन्मेका ह्रदयेन्द्रले पूरा नाम ह्रदयेन्द्र वीर विक्रम शाह लेखेका छन्। बुवाको नाम पारस वीर विक्रम शाह र आमाको नाम हिमानी राज्यलक्ष्मी देवी शाह उल्लेख गरेका छन्।
