काठमाडौं । नेपाली बजारमा आज (मंगलबार) सुनको मूल्यले हालसम्मकै उच्च रेकर्ड कायम गरेको छ । यस दिन छापावाल सुन प्रतितोला एक हजार ७०० रुपैयाँले बढेर हालसम्मकै उच्च कायम भएको हो ।
सोमबार प्रतितोला एक लाख ४१ हजार रुपैयाँमा कारोबार भएको सुन आज एक लाख ४२ हजार ७०० रुपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ । त्यस्तै तेजाबी सुन प्रतितोला एक लाख ४२ हजारमा कारोबार भइरहेको छ । आज चाँदी प्रतितोला एक हजार ८६० रुपैयाँमा कारोबार भइरहेको छ । सोमबारको तुलनामा चाँदी एकैदिन २५ रुपैयाँले बढेको हो ।
