काठमाडौं । भारत साफ यु–१९ फुटबल च्याम्पियनसिपको विजेता बनेको छ । शनिबार काठमाडौंको दशरथ रंगशालामा भएको फाइनल खेलमा भारतले पाकिस्तानलाई ३–०ले पराजित गरेको हो ।
पहिलो हाफमा दुवै टिमले गोल गर्न सकेको थिएन । दोस्रो हाफमा भारतले तीन गोल गरेको हो । भारतका लागि माङ्गेलनथाङ किपजेनले ६४औं मिनेटमा पहिलो गोल गरेका थिए । ८५औँ मिनेटमा दोस्रो गोल उनैले गरेका थिए । अतिरिक्त समयमा भारतका लागि ग्वाग्मसार गोयरीले गोल गरेका हुन् । भारत योसँगै प्रतियोगिताको तेस्रोपटक च्याम्पियन बनेको हो ।
यसअघि गत वर्ष भारतमा भएको च्याम्पियनसिप भारतले नै जितेको थियो भने सन् २०१९ मा पनि भारत च्याम्पियन बनेको थियो । यस च्याम्पियनसिपमा भने पाकिस्तानले पहिलो पटक खेलेको हो ।
