काठमाडौँ । नेपाली कांग्रेसका वरिष्ठ नेता रामचन्द्र पौडेलसहित १० जना नेता केन्द्रीय सदस्यमा मनोनयन भएका छन्। नेपाली कांग्रेसको विधान, २०१७ (संशोधन सहित) को धारा २१ को उपधारा (१०) बमोजिम तिनीहरुलाई केन्द्रीय सदस्यमा मनोनयन गरिएको पार्टीले बताएको छ।
पार्टी सभापति शेरबहादुर देउवाको सिफारिशमा रामचन्द्र पौडेल, प्रकाशमान सिंह, विमलेन्द्र निधि, विजयकुमार गच्छदार, कृष्णप्रसाद सिटौला, डा.प्रकाशशरण महत, डा. नारायण खड्का, उमा रेग्मी, सुजाता कोइराला र श्री मीनबहादुर विश्वकर्मालाई केन्द्रीय कार्यसमितिको सदस्य पदमा मनोनयन गरिएको हो।
