काँग्रेसका भातृ संगठनहरू बिघटन

काँग्रेसमा भ्रातृ संस्थाहरू महिला संघ, दलित संघ, तरुण दल नेविसंघ र मुस्लिम संघमा नेतृत्व विहीन थियो भने बाँकी अधिकांशको पनि महाधिवेशन हुन सकेको थिएन । काँग्रेसका १३ भ्रातृ संस्थामा  १० संस्थाको वर्तमान कमिटी भ‌ंग गरिएकाे छ । भंग गरिएका भ्रातृ संस्थामा नयाँ कमिटी ल्याइने छ । नयाँ कमिटी ल्याउने अधिकार बैठकले सभापति शेरबहादुर देउवालाई दिएको ती पदाधिकारीले बताए ।

सभापति देउवाले नेताहरुसँग परामर्श गरी भंग गरिएका नयाँ समिति फागुन मसान्तसम्म ल्याउने छन् ।  नेविसंघ र तरुण दलमा तदर्थ समिति ल्याउँदा विधानको व्यवस्था लागू हुने छैन।

काँग्रेस प्रवक्ता प्रकाशशरण महतले भने, ‘नेविसंघको विधान १२ औं महाधिवेशन लागु हुने गरी यो निर्णय भएको हो । अन्य तरुण दलमा पनि त्यस्तै छ । शुभेच्छुक संस्थालाई भने तत्काल अधिवेशन गर्ने काँग्रेसले निर्देश दिएको छ । काँग्रेसका १८ शुभेच्छुक संस्थामध्ये अधिकांशको म्याद सकिएको छ । यस्तै नयाँ भ्रातृ संस्थाबारे आगामी बैठकमा छलफल हुने महतले बताए ।