काठमाडौं । काठमाडौंको चोभार स्थित सुक्खा बन्दरगाह मंगलवार देखि सञ्चालनमा आएको छ ।प्रधानमन्त्री शेरबहादुर देउवाले वीरगञ्जबाट डिजिटल लक सहित आएको ३ वटा कन्टेनर बन्दरगाहमा प्रवेश गराएर औपचारिक उद्घाटन गरेका हुन् ।
वीरगञ्जबाट डिजिटल रूपमा लक गरिएका कन्टेनरहरूलाई समेत जीपीएसको माध्यम बाट के कस्तो अवस्थामा छ भनेर हेर्न सकिनेछ । आयातित वस्तुको करीब ७० प्रतिशत उपत्यकामै खपत हुने भएकाले पनि बन्दरगाह महत्त्वपूर्ण मानिएको छ । चोभार सुक्खा बन्दरगाह सञ्चालनमा आए सँगै भन्सारमा हुने चाप पनि कम हुने नेपाल इन्टरमोडल यातायात विकास समितिले जनाएको छ ।
विश्व बैंकको १ अर्ब ८० करोड ऋण सहायतामा बन्दरगाह निर्माण गरिएको छ । समितिका अनुसार १ अर्ब ५४ अर्ब लागतमा बन्दरगाह निर्माण भएको हो । विक्रम संवत् २०७५ माघ ३ गते तत्कालीन प्रधानमन्त्री केपी शर्मा ओलीले बन्दरगाहको शिलान्यास गरेका थिए । वैदेशिक व्यापार विस्तारका लागि बन्दरगाहले महत्त्वपूर्ण भूमिका खेल्ने समितिका कार्यकारी निर्देशक आशिष गजुरेलले जानकारी दिए ।
