काठमाडौं । नक्कली भुटानी शरणार्थी प्रकरणमा प्रहरीले नेपाल हज समितिका अध्यक्ष शमशेर मियाँलाई पनि पक्राउ गरेको छ ।
मियाँलाई प्रहरीले सिंहदरबारभित्रै बाट पक्राउ गरेको हो । मियाँले चढ्ने बि-एबी १४०५ नम्बरको सेतो नम्बर प्लेटको मन्त्रालयको सरकारी गाडीमा पैसा ओसारिएको पाइएको थियो । गाडी नम्बर परिवर्तन गर्दै करोडौँ रूपैयाँ ओसार पसार भएको पाइएको प्रहरीले जानकारी दिएको छ । नक्कली भुटानी शरणार्थी प्रकरणमा हालसम्म १४ जना पक्राउ परिसकेका छन् ।
पूर्वउपप्रधानमन्त्री टोपबहादुर रायमाझी, पूर्व गृहमन्त्री बालकृष्ण खाण लगायत १४ जना पक्राउ परेका हुन् ।
