विराटनगर । विराटनगरको नोबेल मेडिकल कलेजमा आज विद्यार्थी र कर्मचारीबीच झडप भएको छ । कलेजका विद्यार्थीहरूले नियमित आन्दोलनका कार्यक्रम गरिरहेका बेला कर्मचारीहरूको समूहले कलेज बन्द गर्न पाइँदैन भन्दै विरोध जनाएपछि झडप भएको हो । झडपका कारण अस्पतालको केही झ्यालहरू फुटेका छन् ।
विद्यार्थीहरू पछिल्लो दुई हप्तादेखि आन्दोलित भएका छन् । चिकित्सा शिक्षा आयोगले तोकेकोभन्दा बढी शुल्क लिएको भन्दै एमबीबीएस पढ्ने विद्यार्थीहरू आन्दोलित छन् । उनीहरूले कलेज प्रशासन शाखामा केहि दिन अघि तालाबन्दी समेत गरेका छन् ।
