काठमाडौं । नेकपा माओवादी केन्द्रले चीनका लागि नेपाली राजदूतमा विष्णुपुकार श्रेष्ठलाई प्रस्ताव गरेको छ ।
सरकारले चीन लगायतका रिक्त रहेका देशहरुमा राजदूत नियुक्तिका लागि सिफारिस गर्ने तयारी गरेको छ । माओवादीले चीन लगायतका देशमा दाबी गरेको छ । स्रोतका अनुसार माओवादीले चीनका लागि नेपाली राजदूतमा श्रेष्ठको नाम सिफारिस गरेको हो । उनी माओवादी केन्द्रको निर्वाचन समितिका संयोजक समेत हुन् ।
