काठमाडौं । नेपाल बाट भारतका विभिन्न शहरमा जाने यात्रुलाई भारत सरकारले एयर सुविधा फारम अनिवार्य भर्नुपर्ने नियम ल्याएको छ ।
नेपाल एयरलाइन्सका अनुसार काठमाडौं बाट भारतको नयाँ दिल्ली, मुम्बई र बैंग्लौर जाने सबै यात्रुले जहाजमा चढ्नु अगाडि नै एयर सुविधा फारम भर्नु पर्ने भएको छ । यस्तो फारम नयाँ दिल्ली एयरपोर्टको आधिकारिक वेवसाइट बाट भर्न सकिने बताइएको छ ।
निगमका अनुसार यस्तो फारम भरेका यात्रुले मात्र भारतीय शहरमा जान निगमको जहाजमा चढ्ने अनुमति पाउने भएका छन । भारत बाट नेपाल आउने यात्रुको हकमा भने नेपालमा कुनै पनि प्रकारको फारम अनिवार्य छैन ।
