काठमाडौं । ए डिभिजन क्लब थ्री स्टारले आगामी शहीद स्मारक ए डिभिजन लिगका लागि दोना थापालाई अनुबन्ध गरेको छ ।ललितपुरे क्लब थ्री स्टारले दोनालाई आइतबार एक वर्षको लागि अनुबन्ध गरेका जनाएको छ । अनुबन्ध रकम राम्रै रहेको भएपनि खुलाइएको छैन ।
दोनाले पछिल्लो पटक मनाङ मर्स्याङ्दी क्लबबाट ए डिभिजन लिग खेलेका थिए । चोटका कारण त्यसपछि करीब दुई वर्ष फुटबलबाट टाढा रहेका दोनाले गत वर्ष श्री भगवतीबाट बी डिभिजन लिग खेलेका थिए ।यस्तै गत वैशाख(जेठमा भएको नेपाल सुपर लिग ललितपुर सिटी फुटबल क्लबबाट खेलेका थिए ।
