काठमाडौं । सर्वोच्च अदालतको फुलकोर्ट बैठक आज दिउँसो १ बजे, प्रधानन्यायाधीश र उपलब्ध सबै न्यायाधीश गोलाप्रथाबाट पेशी तोक्ने गरी नियमावली र कार्यविधि संशोधनलाई स्वीकृत गर्न फुलकोर्ट(सर्वाेच्चका न्यायाधीशको पूर्ण बैठक) बस्दैछ ।
प्रधानन्यायाधीश चोलेन्द्र शमशेर जबरा समेतको उपस्थितिमा दिउँसो १ बजे फुलकोर्ट बस्ने तय भएको सर्वोच्च स्रोतले जानकारी दियो ।
सर्वोच्च अदालतका न्यायाधीशहरूको (हिजो) बुधवार बसेको बैठकमा गोलाप्रथासम्बन्धी नियमावली र कार्यविधिको प्रावधानमा सहमति जुटेको थियो ।
फुलकोर्टका बैठक बाट प्रधानन्यायाधिशको अधिकार खोसिने भएको छ । फुलकोर्टबाट नियमावली र कार्यविधि स्वीकृत भएपछि त्यसलाई राजपत्रमा प्रकाशनका लागि पठाइने छ ।
