स्वास्थ्य तथा जनसंख्या मन्त्रालयमा पुनः दुईजना सचिव रहने भएका छन् ।
सोमबार बसेको मन्त्रिपरिषद्को बैठकले मन्त्रालयमा जनसंख्या हेर्ने गरी प्रशासनतर्फका एकजना सचिव पठाउने निर्णय गरेको हो । प्रशासनतर्फ प्रधानमन्त्री तथा मन्त्रिपरिषद्को कार्यालयमा रहेका मध्ये बाट एकजना सचिव पठाउने निर्णय गरिएको छ ।
यसअघि, मन्त्रालयमा सेवातर्फका सचिव रहनुपर्ने भन्दै विरोध भएपछि प्रशासनतर्फका सचिव लक्ष्मण अर्याललाई प्रधानमन्त्री कार्यालयमा काज सरुवा गरी सेवातर्फका सचिव डा. रोशन पोखरेललाई मात्रै राखिएको थियो । मन्त्रालयमा अहिले पनि दुईजना सचिवको दरबन्दी रहेको छ ।
