पछिल्लो एक वर्षमा विदेशबाट सर्वाधिक रेमिट्यान्स (विप्रेषण) भित्र्याएका बैंक र रेमिट्यान्स कम्पनीलाई नेपाल राष्ट्र बैंकले सम्मान गरेको छ ।
बैंकको ६९ औं वार्षिकोत्सवको अवसरमा आयोजित कार्यक्रममा ग्लोबल आईएमई बैंक लिमिटेड र आईएमईलाई सम्मान गरिएको हो ।
ग्लोबलले बैंकहरुले भित्र्याएको कुल रेमिट्यान्सको २१.१ प्रतिशत र आईएमईले बैंक तथा वित्तीय संस्था बाहेकबाट मुलुक भित्रिएको रेमिट्यान्समध्ये २७.५ प्रतिशत ल्याएको बताइएको छ । केन्द्रीय बैंकले ग्लोबलपछि धेरै रेमिट्यान्स ल्याएका हिमालयन बैंक र नेपाल एसबीआई बैंकलाई पनि सम्मान गरेको छ । त्यसैगरी सिटी एक्सप्रेस र इसेवा मनि टन्सफरलाई पनि आजै सम्मान गरेको हो ।
