काठमाडौं । सत्तारुढ नेपाली कांग्रेस र संसदको प्रमुख विपक्षी दल नेकपा एमालेका शीर्ष नेताहरूबीच छलफल सुरु भएको छ ।
अमेरिकी सहयोग परियोजना एमसीसीबारे सत्तारुढ गठबन्धनबीच सहमति जुट्न नसकेको बेला प्रधानमन्त्री शेरबहादुर देउवासहित दुई दलका शिर्ष नेताहरुबीच छलफल सुरु भएको हो ।
संसद भवन, नयाँ बानेश्वरस्थित एमाले अध्यक्ष केपी शर्मा ओलीको कार्यकक्षमा भएको छलफलमा एमाले वरिष्ठ उपाध्यक्ष ईश्वर पोखरेल, एमाले संसदीय दलका उपनेता सुवास नेम्वाङ, कांग्रेस महामन्त्री गगनकुमार थापा, सञ्चारमन्त्री ज्ञानेन्द्रबहादुर कार्की लगायतका नेताहरु समेत सहभागी रहेका छन् ।
सत्ता गठवन्धन बीचमा एमसीसी सम्झौतामा सहमति जुट्न नसकेको बेला दुई दल बीच भएको छलफललाई महत्वपूर्ण रुपमा हेरिएको छ ।