काठमाडौं । एमाले महासचिव शंकर पोखरलले सूर्य चिह्न अरू दलले स्वीकार्नु सकारात्मक भएको बताएका छन् ।
कमल थापा नेतृत्वको राष्ट्रिय प्रजातन्त्र पार्टी (राप्रपा) नेपालले आगामी स्थानीय चुनावमा सूर्य चिह्नबाट चुनाव लड्ने प्रसंग बारे बिहीबार राति सामाजिक सञ्जाल फेसबुक मार्फत महासचिव पोखरेलले यस्तो बताएका हुन् ।
उनले विखण्डनलाई छोड्दा सीके राउतलाई, हिंसालाई छोड्दा नेत्रविक्रम चन्द ‘विप्लव’लाई र राजतन्त्रलाई छोड्दा कमल थापालाई साथ दिनुपर्ने बताएका छन् ।
“विखण्डनलाई छोड्दा सिके राउतलाई, हिंसालाई छोड्दा विप्लवलाई र राजतन्त्रलाई छोड्दा कमल थापालाई साथ दिनु आवश्यक छ । सूर्य चिह्न अरू दलले स्वीकार्नु राम्रो कुरा हो,” उनले भनेका छन् ।