भारत र श्रीलंका बीच चलिरहेको पहिलो टेस्टमा भारतले एक इनिङ र २२२ रनको विशाल अन्तरको जीत हासिल गरेको छ ।
म्याचको तेस्रो दिनमै श्रीलंकाले लज्जास्पद पराजय बेहोरेको हो । टस जितेर ब्याटिङ गरेको भारतले आठ विकेटको क्षतिमा ५७४ रनको विशाल स्कोर बनाएको थियो । श्रीलंकाले पहिलो इनिङमा जम्मा १७४ रन बनायो भने फलोअनमा परेपछि दोस्रो इनिङमा पनि जम्मा १७८ रन बनाउन सक्यो ।
भारतको जीतमा रवीन्द्र जडेजा नायक रहे । उनले ब्याटिङ गर्दै अविजित १७५ रन बनाए । बलिङमा पनि उत्कृष्ट प्रदर्शन गर्दै उनले पहिलो इनिङमा पाँच र दोस्रोमा चार गरी कुल नौ विकट हात पारे । भारतको ब्याटिङमा विकेटकीपर ब्याट्स्म्यानले ९६ रनको योगदान गरे । त्यस्तै हनुमा विहारीले ५८ रन बनाए ।
