वैदेशिक रोजगारीमा जानेलाई भिसा र श्रम स्वीकृति कागज बाहेक अन्य केही नचाहिने
नेपाल उद्योग वाणिज्य महासङ्घको साधारण सभा र चुनाव रोकिने
वि.सं.२०८२ चैत २६ बिहीवार १६:५१
442
shares
shares
काठमाडौँ । नेपाल उद्योग वाणिज्य महासङ्घको साधारण सभा र चुनाव रोकिने भएको छ । उच्च अदालत पाटनले तत्कालका लागि साधारण सभा र चुनाव रोक्न आदेश दिएको हो ।
बिहीबार उच्च अदालत पाटनका न्यायधीशद्वय खड्कबहादुर केसी र दीपक खनालको संयुक्त इजलासले निवेदकको माग बमोजिम नै अन्तरिम आदेश जारी गरेसँगै महासङ्घको ६०औँ साधारण सभा र निर्वाचन तत्कालका लागि रोकिएको हो ।
चैत्र २२ गते नेपाल पेट्रोलियम ढुवानी व्यवसायी महासङ्घ सहितका सदस्यले निर्वाचन रोक्न माग गर्दै रिट दायर गरेका थिए । रिटमा उद्योग वाणिज्य महासङ्घ, महासङ्घको कार्यकारिणी समिति, महासङ्घको सदस्यता समिति र महासङ्घको निर्वाचन समितिलाई विपक्षी बनाइएको थियो।
यस मुद्दामा चैत्र २३ गते न्यायाधीश स्वीकृति पराजुलीको एकल इजलासले कारण देखाऊ आदेश र अल्पकालीन अन्तरिम आदेश जारी हुने आदेश दिएको थियो। आज चैत्र २६ गते सोही आदेशले निरन्तरता पाउने गरी अन्तरिम आदेश जारी भएको हो ।
आगामी आइतबार र सोमबार (चैतको २९ र ३० गते) हुने महासङ्घको ६० औँ वार्षिक साधारण सभाबाट नयाँ नेतृत्व चयन गर्ने तयारी थियो ।
