अमेरिकाबाट ग्रिनकार्डधारी २ जना सहित थप ४८ जना नेपाली डिपोर्ट
वि.सं.२०८२ चैत २८ शनिवार ११:०४
shares

काठमाडौं । अमेरिकी सरकारले थप ४८ जना नेपाली नागरिकलाई डिपोर्ट गरेको छ । अमेरिकाले हालै चार्टर्ड उडानमार्फत उनीहरुलाई त्रिभुवन अन्तर्राष्ट्रिय विमानस्थलमा ल्याएर छाडेको हो । उनीहरु सबै पुरुष रहेका छन् ।
सोमबार डिपोर्ट गरिएकामध्ये २ जना ग्रिनकार्डवाहक रहेको अध्यागमन विभाग स्रोतले जनाएको छ । तीमध्ये एक जना ‘ड्रिङ्क एन्ड ड्राइभ’ (मापसे) मुद्दामा पक्राउ परेका थिए भने अर्का व्यक्तिको डिपोर्ट हुनुको कारण खुलेको छैन ।
त्यस्तै, डिपोर्ट भएकामध्ये २३ जनासँग कुनै वैध ट्राभल डकुमेन्ट समेत नभएको पाइएको बताइएको छ ।
राष्ट्रपति डोनाल्ड ट्रम्पले दोस्रो कार्यकाल सम्हालेदेखि हालसम्म कुल ७१८ जना नेपाली अमेरिकाबाट डिपोर्ट भइसकेका छन् ।





































