देशका विभिन्न साना नदीहरूमा आकस्मिक बाढीको जोखिम रहेको जनाउँदै सतर्कता अपनाउन आग्रह
पुष्पलाल दाहाललाई सरकारको नेतृत्व छोडन कोइरालाको आग्रह
वि.सं.२०८० मंसिर २९ शुक्रवार ०७:५५
494
shares
shares
विराटनगर । नेपाली कांग्रेसका नेता डा. शेखर कोइरालाले माओवादी नेतृत्वको सरकार परिवर्तन गर्नुपर्ने बताएका छन् । विराटनगर विमानस्थलमा सञ्चारकर्मीसँग कुरा गर्दै नेता कोइरालाले माओवादी नेतृत्वको सरकारले जनताका समस्या समाधान गर्न नसकेको बताए ।
उनले प्रचण्डलाई सरकारको नेतृत्वबाट हटाउनुपर्ने बताए । कोइरालाले भने, ठूलो दल कांग्रेस छ, कांग्रेसले नेतृत्व गरेर सरकार बनाउनपर्छ र जनतालाई सुशासन दिनुपर्छ, प्रचण्डले छोड्नुपर्छ । सरकारको नेतृत्व कांग्रेसले लिन जसत ढिला गर्यो उति देशमा समस्या बढ्ने उनको भनाइ छ । सरकारले जनतामा आशा जगाउनसमेत नसकेको उनको टिप्पणी छ । कांग्रेस नेतृत्वको सरकारले मात्रै देशमा विद्यमान समस्या समाधान गर्ने नेता कोइरालाले दाबी गरे । सरकारसँग जनता निराश भएका छन् । जताततै बेथिति मौलाएको छ, भ्रष्टाचार बढेको छ । जतिसक्दो चाँडो सरकार परिवर्तन गर्नुपर्छ र सरकारको नेतृत्व कांग्रेसले लिनुपर्छ । अहिलेको नेतृत्वबाट देशले निकास पाउँदैन, उनले भने ।
नेता कोइरालाले आर्थिक, राजनैतिक, सामाजिक र सांस्कृतिक अराजकतातर्फ देश उन्मुख भएको बताए । आफ्नो समूहमा संसदीय दलको नेता परिवर्तनको आवाज उठेको बताउँदै नेता कोइरालाले भने, लोकतन्त्रमा अंकको खेल हुन्छ । हामीसित दलको नेता फेर्ने संख्या छैन । नेता कोइरालाले कोसी प्रदेशमा देखिएको विवाद वार्ता र संवादबाट टुंगो लगाउनुपर्नेमा जोड दिए । पहिचानवादीहरूसित वार्ताको टेबलमा बसेर विवाद मिलाउन उनले सुझाए । कोसी नामका विषयमा विवाद छ । त्यसलाई असन्तुष्ट पक्षसित बसेर समाधान गर्नुपर्छ, उनले भने ।
