आज मंगलबार सुनको मूल्य ४५ सयले घटयो, कतिमा हुँदैछ कारोबार ?
पृथ्वी जयन्तीमा पूर्वराजाको सन्देश यस्तो छ
वि.सं.२०७९ पुस २७ बुधवार ०८:४६
754
shares
shares
पूर्वराजा ज्ञानेन्द्र शाहले नेपालमा एकता, अखण्डता, सामाजिक सद्भाव र सार्वभौमिकता दुर्लभ बन्दै गएकाले राष्ट्रिय एकता दिवसको सान्दर्भिकता थप बढेको बताएका छन्। उनले मंगलबार एक विज्ञप्ति जारी गर्दै नेपालको अहिलेको राजनीति विचार, आदर्श र सैद्धान्तिक निष्ठा भन्दा अंक र आकारमा अल्मलिएको पनि बताए।
उनले भनेका छन्- ‘हामीले श्री ५ बडामहाराजधिराज पृथ्वीनारायण शाहका दिव्योपदेशहरुलाई आत्मसाथ गर्दै मौसुफले दर्शाइबक्सेको मार्गदर्शनलाई अनुसरण गर्न सकेको खण्डमा मात्र हाम्रो इतिहास र भविष्य तथा नेपालीको स्वाभिमान सुरक्षित एवम् संरक्षित हुनसक्छ भन्ने विश्वास लिएका छाैँ।’ पूर्वराजा ज्ञानेन्द्रले देश आफ्नै बाहुबल र आफ्नै शैली तथा ढाँचामा अघि बढोस् भन्दै राष्ट्रियता बिनाको प्रजातन्त्र कागजी सिद्धान्त मात्र हुने पनि उल्लेख गरेका छन्।
उनले सेवा र सुरक्षा दिन नसक्ने प्रजातन्त्रको जुनसुकै नाम र आवरणमा अभ्यास गरे पनि यसमा राष्ट्रमा सुख हुननसक्ने पनि बताएका छन्। सरकारले पृथ्वी जयन्तीका अवसरमा पुस २७ गते बुधबार सार्वजनिक बिदा पनि दिएको छ।
