त्रिवि सेवा आयोगको अध्यक्षमा नेपाल सरकारका पूर्वसचिव किशोर थापा नियुक्त
पाटन क्याम्पसको स्ववियुको सभापतिमा नेबिसंघका बागी उम्मेदवार विजयी
वि.सं.२०७९ चैत २६ आइतवार ०७:३५
624
shares
shares
काठमाडौं । ललितपुर स्थित पाटन क्याम्पसको स्ववियु सभापतिमा नेपाल विद्यार्थी संघबाट बागी उठेका सुशील विष्ट निर्वाचित भएका छन् । गए राति सकिएको मतगणनाको परिणामअनुसार विष्ट ८४१ मत ल्याउँदै विजयी भएका हुन् । उनका प्रतिस्पर्धी अनेरास्ववियुका उम्मेदवार सुरेश जिसीले ६७२ मतमात्रै ल्याए । उनीहरूबीच १६९ मतान्तर रहेको छ ।
नेविसंघका इकाइ उपाध्यक्ष समेत रहेका विष्टले स्वतन्त्र उम्मेदवारी दिएका थिए । पाटनमा नेविसंघकै आन्तरिक विवादका कारण चैत ५ गतेका लागि तय भएको निर्वाचन रोकिएको थियो । केन्द्रीय अध्यक्ष दुजाङ शेर्पाले पाटनको स्ववियु सभापतिका लागि सुरूमा विष्टलाई नै टिकट दिएका थिए । पछि युवराज थिङलाई आधिकारिक उम्मेदवार भन्दै टिकट दिएपछि पाटनमा नेविसंघ दुई समूहमा विभाजन भएको थियो ।
विवाद समाधानका लागि पटक–पटक वार्ता गरिए पनि सहमति नजुटेपछि विष्टले स्वतन्त्र उम्मेदवारी दिएका थिए ।
