व्यवसायिक शंकर अग्रवाल पक्राउ
आज अधिकांश तरकारीको मूल्य बढ्यो, भारतीय गोलभेडाको मूल्य भने घटयो
वि.सं.२०८० असार ५ मंगलवार ०९:०९
598
shares
shares
काठमाडौं । मंगलबार अधिकांश तरकारीहरुको भाउ बढेको छ । आज गोलभेडा, काउली, मुला, आलु, सिमि, चिचिण्डो, फर्सी, च्याउ लगायतको तरकारीको भाउ बढेको हो । कालीमाटी फलफूल तथा तरकारी बजार विकास समितिको दैनिक मूल्य सूचीअनुसार ती तरकारीको भाउ सोमबारको तुलनामा वृद्धि भएको हो ।
आज नेपाली ठुलो गोलभेडाको मूल्य प्रतिकेजी ४० रुपैयाँ पुगेको छ । हिँजो भने यो गोलभेडा प्रतिकेजी ३३ रुपैयाँ ६० पैसा कायम भएको थियो । तर, भारतीय ठुलो गोलभेडाको मूल्य भने प्रतिकेजी ५ रुपैयाँले घटेको छ । योसंगै आज भारतीय गोलभेडाको मूल्य प्रतिकेजी ४० रुपैयाँ कायम भएको विकास समितिले जनाएको छ । मंगलबारका लागि सानो गोलभेडा (टनेल)को भने प्रतिकेजी ११ रुैयाँ ८० पैसा निर्धारण भएको छ ।
आज रातो आलुको भाउ भने स्थिर (प्रतिकेजी ४४ रुपैयाँ) रहेको छ भने मुडे रातो आलुको मूल्य झिनो घटेर प्रतिकेजी ३८ रुपैयाँ ६७ पैसा तोकिएको छ । यता सेतो आलुको मूल्य भने सामान्य बढेर ३४ रुपैयाँ ३३ पैसा पुगेको छ । आजका लागि भारतीय सुकेको प्याजको भाउ प्रतिकेजी ५२ रुपैयाँ कायम भएको छ ।आजका लागि लोकल बन्दाको मूल्य प्रतिकेजी १२ रुपैयाँ ५० पैसा, लोकल काउली प्रतिकेजी ८५ रुपैयाँ, लाम्चो भन्टा प्रतिकेजी ३५ रुपैयाँ, घिउ सिमी (राजमा) ७६ रुपैयाँ ६७ पैसा, तितो करेला ४६ रुपैयाँ, लौका ५६ रुपैयाँ ६७ पैसा निर्धारण भएको छ ।
यस्तै, चिचिण्डो प्रतिकेजी ३६ रुपैयाँ ६७ पैसा, घिरौला ४५ रुपैयाँ, पाकेको फर्सी ५० रुपैयाँ, हरियो फर्सी प्रतिकेजी ३५ रुपैयाँ, स्कुस ४२ रुपैयाँ, पालुगो साग ११५ रुपैयाँ, प्याज हरियो ८६ रुपैयाँ ६७ पैसा, च्याउ(कन्य) १६० रुपैयाँ तोकिएको छ ।
