भोली शनिबार रातिदेखी मौसमी प्रणाली पूर्ण रूपमा सक्रिय हुने, सतर्कता अपनाउन आग्रह
शमशेर मियाँ, नरेन्द्र केसी, आशिष बुढाथोकी र हरिभक्त महर्जनलाई सम्पत्ति शुद्धीकरण र अख्तियारमा उपस्थित गराइँदै
वि.सं.२०८० मंसिर १७ आइतवार १९:२७
546
shares
shares
काठमाडौँ । भुटानी शरणार्थी प्रकरणमा उच्च अदालतको आदेश अनुसार धरौटी बुझाएका ३ जना आइतबार थुनामुक्त हुन पाएनन् । उच्चको आदेश अनुसार धरौटी बुझाएका शमशेर मियाँ, नरेन्द्र केसी र हरिभक्त महर्जन आइतबार थुनामै रहेका हुन् । साधारण तारेखमा रिहा गर्न आदेश भएका आशिष बुढाथोकी पनि थुनामै छन् ।
धरौटी तिरेका ३ जना र आशिष बुढाथोकीलाई अख्तियार र सम्पत्ति शुद्धीकरण अनुसन्धान विभागमा बुझाउनुपर्ने भएको हुनाले थुनामै राखिएको केन्द्रीय कारागारका जेलर ललित बस्नेतले बताए । आइतबार उनीहरूलाई तारेखका लागी कारागार प्रशासनले जिल्ला अदालतमा उपस्थित गराएको थियो ।
कार्यालय समय सकिएको हुनाले उनीहरूलाई सम्पत्ति शुद्धीकरण र अख्तियारमा उपस्थित गराएन नसकिएको जेलर बस्नेतले जानकारी दिए । उनले भने–‘अर्को दिन सम्पत्ति शुद्धीकरण र अख्तियारमा पठाउँछौँ ।’
