संसदीय दलको नेता छान्न र कारबाहीको निर्णय लिन आज कांग्रेसको तिनवटा बैठक बस्दै
जनयुद्ध र जनआन्दोलनको बलमा संविधानसभाबाट स्थापित मान्यतालाई केही शक्तिले उल्ट्याउने कोसिस गरिरहेको छन् : प्रचण्ड
वि.सं.२०८१ फागुन १ बिहीवार १५:१२
507
shares
shares
काठमाडौँ । पूर्व प्रधानमन्त्री तथा नेकपा माओवादी केन्द्रका अध्यक्ष पुष्पकमल दाहाल प्रचण्डले जनयुद्ध र जनआन्दोलनको बलमा संविधानसभाबाट स्थापित मान्यतालाई केही शक्तिले उल्ट्याउने कोसिस गरिरहेको बताएका छन् । गुल्मीको तम्घासमा बिहीबार आयोजित कार्यक्रमलाई सम्बोधन गर्दै उनले अहिले पनि त्यो प्रवृत्तिबिच सङ्घर्ष चलिराखेको स्पष्ट पारे ।
‘जनयुद्ध र जनआन्दोलनको बलमा संविधानसभाद्वारा स्थापित मान्यताहरूलाई एकथरी शक्ति, तत्त्व र विचारले उल्ट्याउने कोसिस गर्दै आएको छ । हामी यसलाई सुदृढ गर्दै समाजवादको आधार तयार पार्ने प्रक्रियामा छौँ ।
अहिले पनि दुई वटा वर्ग, दुईवटा विचार, दुई वटा प्रवृत्तिको बिचमा सङ्घर्ष चलिनै राखेको छ’, उनले भने, ‘सङ्घीय लोकतान्त्रिक गणतन्त्रमा पुगिसकेपछि पनि प्रतिक्रियावादी शक्तिहरूले त्यो वर्ग र शक्तिलाई जनताको गणतन्त्र हुन नदिनका निम्ति त्यसलाई बुर्जुवा गणतन्त्र वा प्रतिक्रियावादी गणतन्त्रमै कैद गर्ने या त्यसलाई अझ पछाडि फर्काएर निरंकुशतातर्फ लैजाने कोसिस हुनेछ भनेर हामीले पहिलेदेखि नै भनेका थियौँ ।’
