Abhiyan Weekly

सरकारी लगानी भएका सबै बैंकका अध्यक्षले पदबाट राजीनामा दिए सर्वोच्चका न्यायाधीश शर्मा प्रधानन्यायाधीशमा सिफारिस प्रधान न्यायाधीश सिफारिससम्बन्धी निर्णयका लागि संवैधानिक परिषद्को बैठक जारी कीर्तिपुरमा दिउँसै युवकको हत्या आरोपमा तीन पक्राउ सरकारले सूचना जारी गरेपछि नेकपा एमालेले नयाँ कार्यालय खोज्न थाल्यो भारतले लिपुलेकबारे आफ्नो अडान दोहोर्‍यायो स्वास्थ्य विज्ञान प्रतिष्ठान र केही अस्पतालमा निमित्त जिम्मेवारी तोकियो रातो मत्स्येन्द्रनाथको रथ आगामी असार ३ गते जावलाखेल लगिने कांग्रेस नेता तथा पूर्वमन्त्री कार्की विरुद्ध भ्रष्टाचार मुद्दा दर्ता ३४ बर्ष पछि स्वास्थ क्षेत्रमा ९७७ नयाँ दरबन्दी थपिदै सुनको भाउ प्रतितोला २ लाख ९८ हजार ६ सय रुपैयाँ अध्यादेशले शासन चलाउने भए संसदको आवश्यकता किन ?

समाजवादीका नेताहरू आज बसेको सो पार्टीको सचिवालय बैठकमा अनुपस्थित

Abhiyan Weekly

वि.सं.२०८२ कात्तिक १६ आइतवार १७:१२

975
shares

काठमाडौँ । माओवादीसँग पार्टी एकताको विपक्षमा रहेका नेकपा एकीकृत समाजवादीका नेताहरू आज बसेको सो पार्टीको सचिवालय बैठकमा अनुपस्थित भएका छन् ।

पार्टी एकताबारे छलफल गर्न आइतबार बसेको एकीकृत समाजवादीको सचिवालय बैठकमा सम्मानित नेता झलनाथ खनाल र महासचिव घनश्याम भुसाल सहभागी नभएका हुन् ।नेता जगनाथ खतिवडाले आजको सचिवालय बैठकमा खनाल र भुसाल दुवै नेता सहभागी नभएको जानकारी दिए ।

‘सम्मानित नेता खनाल रुघाखोकी लाग्यो भनेर आउनुभएन । महासचिव भुसालले केही नभने पनि उपस्थित हुनुभएन’, खतिवडाको भनाइ छ । सचिवालय बैठकले कात्तिक १९ गते संयुक्त भेला राखेर पार्टी एकता घोषणा गर्ने निर्णय गरेको खतिवडाको भनाइ छ ।अध्यक्ष माधवकुमार नेपालसहित बहुमत पक्ष माओवादीसँग पार्टी एकता गर्न तयार भएपछि खनाल र भुसाल केन्द्रीय कमिटी बैठकको निर्णयप्रति असहमति जनाउँदै अलग पार्टी गठन गर्ने तयारीमा छन् ।

शुक्रबार सकिएको एकीकृत समाजवादीको केन्द्रीय कमिटी बैठकले पार्टी एकता गर्ने निर्णय गरेको थियो । उक्त निर्णय अनुसार कात्तिक १९ गते संयुक्त भेला राखेर पार्टी एकता घोषणा गर्ने तयारी छ ।

प्रकाशित मिति / समय : वि.सं.२०८२ कात्तिक १६ आइतवार १७:१२