पहिलाको जस्तै मुख्य सचिव र सचिवहरु देउसी खेल्लान् ?

तत्कालिन प्रतिनिधिसभाको २०७४ र २०७९ का दुवै कार्यकालयमा निजामित विधेयकको मस्यौदा तयार...

Abhiyan Weekly

अमेरिकासँग फेरी युद्ध सुरू हुन सक्छ: इरान आइपीएल : चेन्नई सुपर किग्सको चौथो जित, प्लेअफमा पुग्ने सम्भावना कायमै पाकिस्तानमा पनि मनाइँयो बुद्ध जयन्ती राष्ट्रपति पौडेलले दिए विश्व प्रेस स्वतन्त्रता दिवसको उपलक्षमा शुभकामना अध्यादेशबाट क-कसले गुमाए आ-आफ्नो पद ? यस्तो छ आजको लागि तोकिएको विदेशी मुद्राको विनिमय दर आजको मौसम : सातै प्रदेशमा वर्षाको सम्भावना तिलगङ्गा पशुपति क्षेत्रका अतिक्रमित घर भत्काइँदै त्रिभुवन विश्वविद्यालय सेवा आयोगका अध्यक्ष प्रा.डा. भट्टराईले राजीनामा दिए ११० वटा निकायका राजनितिक नियुत्ति खारेज गर्ने सरकारलाई बाटो खुल्यो प्रेस स्वतन्त्रता हननका घटनामा वृद्धि, महासंघले भन्यो आगामी दिन झन कठीन थप तीन वटा अध्यादेश जारी

एमालेबाट राष्ट्रियसभा सदस्यका लागि को-को बन्दैछन उम्मेदवार ?

Abhiyan Weekly

वि.सं.२०८२ पुस २३ बुधवार ०८:१३

1.01K
shares

नेकपा एमालेले राष्ट्रिय सभामा उम्मेदवार टुंगो लगाएको छ। नेपाली कांग्रेस, नेकपा एमालेबीच चुनावी तालमेल गरेर उम्मेदवारी दिन सहमति जुटेको छ।

जसअनुसार एमालेले कोशीमा महिला पाएको छ। त्यहाँ रोशनी मेचेलाई उम्मेदवार बनाउने भएको छ। बागमतीमा डा प्रेम दंगाल उम्मेदवार बन्ने भएका छन्। गण्डकीमा सम्झना देवकोटालाई उम्मेदवार बनाउने भएको छ। लुम्बिनीमा रामकुमारी झाक्री, कर्णालीमा मीना रखाल र सुदूरपश्चिममा लीला भण्डारीलाई उम्मेदवार बनाउन लागेको हो।

मधेसमा टुंगिन बाँकी रहेको एमाले सचिव महेश बस्नेतले जानकारी दिए।राष्ट्रिय सभामा कांग्रेस, एमाले, नेपाली कम्युनिस्ट पार्टी र जनता समाजवादी पार्टी नेपालबीच चुनावी तालमेल गर्ने छलफल भए पनि अन्तिममा कुरा मिल्न नसकेको नेताहरूले बताएका छन्।नेकपा संयोजक पुष्पकमल दाहाल ‘प्रचण्ड’का स्वकीय गोबिन्द आचार्यका अनुसार अहिलेसम्म कुरा मिलेको छैन।‘प्रतिनिधि सभामा नेकपा एक्लै लड्ने कुरा हो। राष्ट्रिय सभामा मतभारअनुसार तालमेल गरौं भन्ने हाम्रो प्रस्ताव थियो। तर समझदारी भएको छैन। नेकपाले उम्मेदवारी दिने तयारी गरेको छ। तलबाट सिफारिस भएर आएका नामहरूलाई हामी टुंगो लगाउँछौं,’ उनले भने।

नेकपा बाहिरिए कांग्रेस र एमालेबीच मात्रै तालमेल हुने सम्भावना बढेको छ। त्यसो भएमा कांग्रेसले १० र एमालेले ८ सिट लिनेछन्। कोशीमा एमालेले दुई सिट पाउने सम्भावना रहेको एमाले नेताहरूले बताएका छन्।कोशीबाट उम्मेदवार बन्न लागेकी रोशनी मेचे लोपोन्मुख समुदायकी हुन्। उनी यसअघि एमाले अध्यक्ष केपी शर्मा ओली प्रधानमन्त्री हुँदा उनको सचिवालयमा थिइन्।

बागमतीबाट उम्मेदवार बन्न लागेका दंगाल कर्मचारी आन्दोलनबाट राजनीतिमा आएका हुन्। कर्मचारी आन्दोलनका कारण उनले २०४८ सालमा जागिर गुमाएका थिए। त्यसपछि उनी एमालेमा निरन्तर क्रियाशील छन्। उनी लामो समय एमालेनिकट किसान महासंघमा क्रियाशील थिए। उनी किसान महासंघका अध्यक्षसमेत भइसकेका हुन्। दंगालले युवा स्वरोजगार कोष, किसान आयोगजस्ता संस्थामा नेतृत्व गरिसकेका छन्।गण्डकीबाट उम्मेदवार बन्न लागेकी सम्झना देवकोटा त्यहाँकी पार्टी सचिवसमेत रहिसकेकी छन्। उनी केन्द्रीय पार्टी संगठन विभागको सचिव पनि बनेकी थिइन्। स्थानीय तह निर्वाचनमा उनी गोरखाको उपमेयरमा पराजित भएकी थिइन्।

लुम्बिनीबाट उम्मेदवार बन्न लागेकी रामकुमारी झाक्री एकीकृत समाजवादीबाट माओवादीसँगको एकता प्रक्रियामा समाहित नभइ एमालेमा फर्किएकी थिइन्। २०७९ सालमा प्रतिनिधि सभा सदस्य बनेकी झाक्री गत महाधिवेशनबाट एमालेका लोकप्रिय मतसहित केन्द्रीय सदस्य निर्वाचित भएकी हुन्। कर्णालीबाट उम्मेदवार बन्न लागेकी रखाल २०७४ सालमा कर्णाली प्रदेश सभा सदस्य थिइन्। उनी एमाले केन्द्रीय सदस्य हुन्।सुदूरपश्चिमबाट उम्मेदवार बन्न लागेकी लीला भण्डारी पूर्वमाओवादी पृष्ठभूमिकी हुन्।

प्रकाशित मिति / समय : वि.सं.२०८२ पुस २३ बुधवार ०८:१३