धनुषा १ को निर्वाचन विवाद सम्बन्धी रिटमा सुनुवाइ हुँदै
इरानका सर्वोच्च नेता खामेनी मारिएको पुष्टि
वि.सं.२०८२ फागुन १७ आइतवार ०९:१७
702
shares
shares
तेहरान । इरानका सर्वोच्च नेता आयातोल्लाह अली खामेनीको मृत्यु भएको त्यहाँको सरकारी टेलिभिजनले औपचारिक रूपमा पुष्टि गरेको छ। केही समयअघि मात्रै इरानी राज्य नियन्त्रित टेलिभिजनले खामेनी अब यस संसारमा नरहेको सार्वजनिक गरेको हो।
खामेनी इरानका आध्यात्मिक र राजनीतिक नेता आयातोल्लाह खुमेनीका नजिकका चेला थिए। सन् १९७९ को इस्लामिक क्रान्तिमा उनले महत्त्वपूर्ण भूमिका खेलेका थिए। क्रान्तिअघि शाहको शासनको विरोध गर्दा उनी ६ पटक पक्राउ परेका थिए भने ३ वर्ष निर्वासनमा बिताएका थिए।सर्वोच्च नेता बन्नुअघि उनी इरानको तेस्रो राष्ट्रपतिका रूपमा कार्यरत थिए। इरान–इराक युद्धका बेला उनले देशको नेतृत्व गरेका थिए भने सोही समयमा इरानी सैन्य दस्ता ‘इस्लामिक रिभोलुसनरी गार्ड कोर’ सँग उनको सम्बन्ध बलियो भएको थियो।
उनलाई एक कट्टरपन्थी र हार्डलाइनर नेताका रुपमा चिनिन्थ्यो ।
