साताको पहिलो दिन नेप्से परिसूचक ३ अङ्क भन्दा धेरैले घटेर समग्र बजार २५४३ विन्दुमा आएको छ । अघिल्लो हप्ता निरन्तर घटेको बजार आज आइतबार पनि निरन्तरता पाएको छ ।
पहिलो कारोबार दिन नेप्से सामान्य अङ्कले घटे पनि कारोबार भने निकै घटेको छ । २३० कम्पनीको शेयर खरिद बिक्री हुँदा २ अर्ब ४९ करोडको मात्र शेयर कारोबार भएको छ । कारोबार भएका मध्य अधिकांश कम्पनीहरूको शेयर मूल्य घटेको छ । आज कुनै पनि कम्पनीको शेयर मूल्यमा सर्किट लागेको छैन साथै शिवम् सिमेन्टको शेयर मूल्य सबै भन्दा धेरै घटेको छ ।
बैंक,विकास बैंक तथा होटल उपसूचक सामान्य बढेको छ भने बीमा उपसूचक भने सबै भन्दा धेरै घटेको छ । सेन्सेटीभ इन्डेक्स र सेन्ससेटीभ फ्लट इन्डेक्स सामान्य बढ्दा नेप्से र फ्लट सूचक भने घटेका छन ।
बैंकमा भइरहेको तरलता अभावले शेयर बजारमा प्रभाव पारिरहेको जानकारहरूको भनाई छ । साथै केही समयमै बजार ३ सय भन्दा धेरै अङ्कले घटेको हुँदा अब बजार विस्तारै माथि जाने धेरैको बुझाई छ
