निलम्बित सांसद शर्मालाई जन्मकैदको सजाय पाएका उच्चले तोक्यो ५ वर्ष कैद
डेंगुका संक्रमित रहेका बुटवलका पत्रकार टेक मास्की रानाको निधन
वि.सं.२०७९ कात्तिक ९ बुधवार १०:०४
1.18K
shares
shares
बुटवल ।बुटवलका पत्रकार टेक मास्की रानाको उपचारको क्रममा निधन भएको छ । दुई सातघि डेंगु संक्रमण भई लुम्बिनी प्रादेशिक अस्पतालको आईसीयूमा उपचाररत ४८ वर्षीय रानाको आज बुधबार बिहान निधन भएको हो ।
स्याङजाको कालिगण्डकी गाउँपालिका ३ बिर्घा स्थायी घर भएका रानालाई डेंगु सँगै मिर्गौला र जण्डिसको पनि समस्या देखिएको थियो । बुटवलको रेडियो जागरणका समाचार प्रमुख रहेका राना नेपाल पत्रकार महासंघ रूपन्देहीका पूर्वकार्यसमिति सदस्य, पत्रकार महासंघ लुम्बिनी प्रदेश कमिटी सदस्य, आदिवासी जनजाति पत्रकार महासंघ फोनिज रुपन्देहीको सचिव र उपाध्यक्ष रहेर काम गरेका थिए ।
स्वर्गीय रानाले दुई दशक लामो पत्रकारितामा निश्कलंक र स्वच्छ छवि बनाएका थिए । केही वर्ष अघि क्यान्सरका कारण श्रीमती गुमाएका रानाका दुई छोरी र एक छोरा छन् । घरको आर्थिक अवस्था कमजोर भएका रानाको निधन सँगै तीनजना छोराछोरीको पालनपोषण र शिक्षा दिक्षामा चुनौती थपिएको छ।
