निलम्बित सांसद शर्मालाई जन्मकैदको सजाय पाएका उच्चले तोक्यो ५ वर्ष कैद
काँग्रेसको फण्डा काँग्रेसको लागि घातक
वि.सं.२०७९ मंसिर ३ शनिवार १८:४४
624
shares
shares
काठमाडौं ।मतदातालाई रकम बाँडेको आरोप लागेका काठमाडौं निर्वाचन क्षेत्र नम्बर ५ (ख) का प्रदेशसभा उम्मेदवार दीपक निरौला चढेको गाडी बाट १ सय ५ रुपैयाँ रकम बरामद भएको प्रहरीले जानकारी दिएको छ ।
क्षेत्र नम्बर ५ का निर्वाचन आचारसंहिता उल्लंघन अनुगमन समितिका प्रतिनिधि सुकदेव बास्कोटाको रोहवरमा प्रहरी वृत्त महाराजगञ्जमा निरौला र उहाँ चढेको गाडी खानतलासी गर्दा उक्त रकम बरामद भएको वृत्तका प्रहरी नायव उपरीक्षक (डीएसपी) अंगुर जीसीले बताउनुभयो । निर्वाचन आचारसंहिता विपरित पैसा बाँडेको भन्दै प्रतिस्पर्धी समूहले विरोध गरेपछि उहाँलाई प्रहरीले सुरक्षाका लागि भन्दै मंसिर २ को साँझ नियन्त्रणमा लिएको थियो। निरौला एमालेका तर्फ बाट उम्मेदवार हुनुहुन्छ । गाडीमा पर्चा समेत भेटिएको छ। रकम बाँडेको भन्दै विपक्षीले घेराउ गरेपछि प्रहरीले निरौला सहित बुढानिलकण्ठ ६ का वडाअध्यक्ष रवि खड्का र प्रदीप डंगोललाई उद्धार गरेको दाबी गरेको थियो ।
उम्मेदवार निरौला लगायतलाई क्यान्सर रोगका विरामी तोक्मान लामाको स्वास्थ्य अवस्था बारे जानकारी लिन जाँदा राज्य संयन्त्रको दुरुपयोग गरेर प्रहरी बोलाउने र पैसा बाँडेको भनेर बदनाम गर्न खोजिएको काठमाडौं ५ एमाले निर्वाचन परिचालन कमिटी संयोजक शान्ति अधिकारी द्धारा जारी विज्ञप्तीमा जनाइएको छ। यस घटनापछि काठमाडौंमा काँग्रेस माओवादीलाई मत दिन लागेका मतदाता माझ उल्टो असर देखिएको बताइएको छ ।
