संसदलाई छलेर ल्याइएका अध्यादेश स्वीकृत नगर्न बिपक्षी ४ दलको राष्ट्रपतिलाई आग्रह
साहित्यकार आनन्ददेव भट्टको निधन
वि.सं.२०७८ भदौ १४ सोमवार ११:४५
728
shares
shares
काठमाडौं । वरिष्ठ साहित्यकार एवं प्रगतिशील लेखक संघका पूर्व अध्यक्ष आनन्ददेव भट्टको निधन भएको छ । अल्जाइमर रोगबाट पीडित भट्टको भट्टको ८५ वर्षको उमेरमा आज बिहान निधन भएको हो । भट्टका श्रीमती र दुई छोरा छन् ।गत महिना अस्पतालमा उपचारपछि उनी कालिकास्थान निवासमा बस्दै आएका थिए । लामो समय नेपाली साहित्य, प्राध्यापन र प्रगतिशील चिन्तनमा सक्रिय भट्टका काव्य, खण्डकाव्य, संस्मरण, समालोचना र निबन्धलगायतका विधाका साढे दुई दर्जनभन्दा बढी कृति प्रकाशित छन् । उनका विशेषगरी ‘साइँलीमैया’, ‘आमा बोलाउँछिन्,’ ‘९७ साल’, ‘अब हिमाल बोल्छ’, ‘जनताको साहित्य’ लगायत कृति लोकप्रिय छन् । वि.सं १९९३ मा जुम्लामा जन्मिएका भट्ट प्रगतिशील लेखक संघ र प्रगतिशील प्राध्यापक संघका पूर्वअध्यक्ष समेत थिए । उनको पशुपति आर्यघाटमा अन्त्येष्टि गरिने प्रगतिशील लेखक संघका अध्यक्ष प्रा. डा. जीवेन्द्रदेव गिरील बताएका हुन् ।
