विशेष अदालतको पासपोर्ट भ्रष्टाचार अभियोगमा मुछिएका ५ जना आरोपितहरूलाई धरौटीमा छाड्न आदेश
बामगती प्रदेशको सभामुखमा पाठकले उम्मेदवारी दिने
वि.सं.२०७९ पुस २७ बुधवार १६:०५
650
shares
shares
हेटौंडा । बागमती प्रदेशको सभामुखमा राष्ट्रिय प्रजातन्त्र पार्टीका महामन्त्रीसमेत रहेका भुवन पाठकले उम्मेदवारी दिने भएका छन् । सत्तारुढ गठवन्धनबाट पाठकले भोलि सभामुख पदमा मनोनयन दर्ता गर्नेछन् ।
सात दलीय सत्ता गठबन्धनको भागबन्डामा बागमती प्रदेशको सभामुख राप्रपाले पाएको थियो । सोहीअनुसार राप्रपाका महामन्त्री पाठकले सभामुखमा उम्मेदवारी दिने भएका हुन् ।
सभामुखमा उम्मेदवारी दिने निश्चित भएपछि पाठकले भने, मलाई हाम्रो पार्टी र गठबन्धनले विश्वास गरेर सभामुखको जिम्मेवारी दिन लागेको छ । म उहाँहरुको विश्वासलाई कायम गर्नेछु ।’
पाठक आफुभन्दा जुनियर केन्द्रीय सदस्य उद्धव थापालाई दलको नेता बन्न सहयोग गरेर आफू भने सभामुख बन्न भएका थिए ।
सत्ता गठबन्धनले बागमती प्रदेशको मुख्यमन्त्री माओवादी केन्द्र र नेकपा एमालेलाई आलोपालो, सभामुख राप्रपा तथा उपसभामुख एमालेलाई भाग लगाएको थियो । एमालेले बिहीबारमात्र दलको बैठक गरेर उपसभामुखको उम्मेदवार चयन गर्ने एमाले संसदीय दलको कार्यालयले जनाएको छ ।
