भोली शनिबार रातिदेखी मौसमी प्रणाली पूर्ण रूपमा सक्रिय हुने, सतर्कता अपनाउन आग्रह
रवि लामिछानेलाई पदमुक्त गर्न परेको रिट निवेदन सर्वोच्चद्वारा खारेज
वि.सं.२०८० असार १३ बुधवार १६:४९
585
shares
shares
रास्वपा सभापति रवि लामिछानेको सांसद पद खारेजीको मागसहित परेको रिट सर्वोच्च अदालतले खारेज गरिदिएको छ । अमेरिकी ‘सिटिजनशिप’ त्यागेको निस्सा नबुझाई नागरिकता प्राप्त गरेकाले पुन: रवि लामिछानेको सांसद पद खारेज गर्नुपर्ने माग सहित परेको रिट संवैधानिक इजलासले बुधवार खारेज गरिदिएको हो ।
अघिल्लोपटक नागरिकता अवैध ठहर भएर रवि सर्वोच्चबाटै पदमुक्त भएका थिए । वैशाख १० मा भएको उपनिर्वाचनपछि निर्वाचित भएर रवि पुन: संसदमा आएका हुन् ।
अहिले पनि उनी सांसद पदमा रहन अयोग्य रहेको भन्दै युवराज सफलले निर्वाचन आयोग समेतलाई विपक्षी बनाएर रिट दायर गरेका थिए । प्रधानन्यायाधीश हरिकृष्ण कार्की तथा न्यायाधीशहरू विश्वम्भरप्रसाद श्रेष्ठ, आनन्दमोहन भट्टराई, प्रकाशमान सिंह राउत र सपना प्रधान मल्ल सम्मिलित संवैधानिक इजलासले रिट खारेजीको फैसला गरेको हो ।
