भोली शनिबार रातिदेखी मौसमी प्रणाली पूर्ण रूपमा सक्रिय हुने, सतर्कता अपनाउन आग्रह
संयुक्त राष्ट्रसंघका शान्ति सेना सम्बन्धी विभाग हेर्ने उपमहासचिव जिन–पिरे ल्याक्रोइक्स र प्रहरी महानिरीक्षक वसन्त कुँवर बीच शिष्टाचार भेट
वि.सं.२०८० असार १३ बुधवार १७:२८
546
shares
shares
काठमाडौँ । संयुक्त राष्ट्रसंघका शान्ति सेना सम्बन्धी विभाग हेर्ने उपमहासचिव जिन–पिरे ल्याक्रोइक्स र प्रहरी महानिरीक्षक वसन्त बहादुर कुँवरबीच बुधबार नेपाल प्रहरी प्रधान कार्यालयमा शिष्टाचार भेट भएको छ । भेटका अवसरमा उपमहासचिव ल्याक्रोइक्सले संयुक्त राष्ट्र संघको अनुरोधमा विभिन्न देशमा शान्ति स्थापनार्थ खटिएका नेपाल प्रहरीका कर्मचारीहरूको योगदानको उच्च प्रशंसा गरेको महानिरीक्षकको सचिवालयले जनाएको छ ।
सो अवसरमा प्रहरी महानिरीक्षक कुँवरले मानव अधिकारको संरक्षण एवम् प्रवर्द्धन गर्दै संयुक्त राष्ट्रसंघको विधानप्रति सदैव प्रतिबद्ध रहँदै शान्ति स्थापनार्थ नेपाल प्रहरी परिचालित भई योगदान दिँदै आएको बताए । दुई जनाबीच संयुक्त राष्ट्रसंघको अनुरोधमा विभिन्न मिसनमा शान्ति स्थापनार्थ परिचालित हुने नेपाल प्रहरीको सहभागिता बढाउने, राष्ट्रसंघमा नेपाल प्रहरीको योगदान र आपसी हित लगायतका विषयमा छलफल भएको थियो ।
कार्यक्रममा संयुक्त राष्ट्र संघका नेपालस्थित आवसीय प्रतिनिधि हाना सिंगर ह्याम्डी नेपाल प्रहरी प्रधान कार्यालय अपराध अनुसन्धान विभागका प्रहरी अतिरिक्त महानिरीक्षक टेक बहादुर तामाङ, केन्द्रीय प्रहरी प्रवक्ता प्रहरी नायव महानिरीक्षक कुबेर कडायत लगायत अन्य वरिष्ठ प्रहरी अधिकृतहरूको उपस्थिति रहेको थियो ।
