बालेन सरकारले संसदको सर्वोच्चतालाई अवमूल्यन गर्यो : नेपाली काँग्रेस
हिमालयन एभरेष्ट इन्स्योरेन्सले पायो दुई अन्तराष्ट्रिय अवार्ड
वि.सं.२०८० साउन २१ आइतवार १५:५०
754
shares
shares
काठमाडौं । हिमालयन एभरेष्ट इन्स्योरेन्स लिमिटेडले दुई अन्तर्राष्ट्रिय अवार्ड प्राप्त गरेको छ । इन्स्योरेन्स एसिया सिंगापुरले, हिमालयन एभरेष्ट इन्स्योरेन्सलाई दुईवटा प्रतिष्ठित पुरस्कारले सम्मानित गरेको हो । २०२३ जुलाई २९ मा सिंगापुरमा आयोजित एक भव्य समारोहका विच Insurance Inclusion Initiative of the year Nepal New Insurance Product of the Year Nepal दुईवटा सम्मानद्वारा कम्पनीलाई समानित गरेको छ ।
उक्त सम्मान समाराेहमा कम्पनीका अध्यक्ष महेन्द्रकृष्ण श्रेष्ठ तथा प्रमुख कार्यकारी अधिकृत विजयबहादुर शाहले संयुक्तरूपमा ग्रहण गरेका हुन् । एशियाकै ख्यातीप्राप्त बीमा समिक्षकहरु PWC Hong Kong. Ernst and Young LLP (EYA KPMG Singapore र Deloittee ले हिमालयन एभरेष्ट इन्स्योरेन्सलाई उक्त पुरस्कारको लागि छनौट गरेको थियो । बीमा व्यवसायलाई समय सापेक्ष प्रविधिमैत्री, आधुनिक र व्यावसायिक बनाउदै लैजाने हिमालयन एभरेष्ट इन्स्योरेन्सको प्रयासलाई पहिचान गरी सम्मानित भएको छ ।
पुरस्कार प्राप्त गरेकोमा कम्पनीले आइतबार होटल हिमालय, ललितपुरमा नेपाल बीमा प्राधिकरणका कार्यकारी अध्यक्ष सुर्य प्रसाद शिलवालको उपस्थितिमा एक समारोह आयोजना गरी खुशियाली मनाएको छ । उक्त अवसरमा बीमा प्राधिकरणका अध्यक्ष सुर्यप्रसाद शिलवाल र कम्पनीका संचालक समितिका अध्यक्ष महेन्द्रकृष्ण श्रेष्ठले संयुक्त रुपमा उक्त पुरस्कारहरु सार्वजनिक गरेका हुन् ।
उक्त अवसरमा नेपाल बीमा प्राधिकरणका अध्यक्षबाट कम्पनीलाई बधाई ज्ञापन गर्दै त्यस्ता अन्तर्राष्ट्रिय पुरस्कारहरुबाट नेपाली बीमा क्षेत्रको गरिमा बढ्ने कुरा उल्लेख गरे । कम्पनीका प्रमुख कार्यकारी अधिकृत विजयबहादुर शाहले यस्ता पुरस्कार प्राप्तीले नेपाली बीमा क्षेत्रलाई थप उचाई पुराउने बताए । “उक्त अवार्डबाट हामी उत्साहित भएका छौ” शाहले भने, “आउदा दिनहरुमा कम्पनीलाई अझ प्रविधि मैत्री र आधुनिकरण गर्दै लैजान प्रेरणा मिलेको छ ।”
