आज बुधवार प्रतितोला ५४०० ले बढ्यो सुनको मूल्य, कतिमा हुदैँछ कारोवार ?
नागरिक उन्मुक्ति पार्टीका संरक्षक रेशमलाल चौधरीको टीकापुर घटनाको सम्बन्धमा छानबिन गर्न बनेको लाल आयोगको प्रतिवेदन सार्वजनिक नगरे आन्दोलन गर्ने चेतावनी
वि.सं.२०८० साउन ३२ बिहीवार १५:२५
1.04K
shares
shares
काठमाडौं । नागरिक उन्मुक्ति पार्टीका संरक्षक रेशमलाल चौधरीले टीकापुर घटनाको सम्बन्धमा छानबिन गर्न बनेको लाल आयोगको प्रतिवेदन सार्वजनिक नगरे आन्दोलन गर्ने चेतावनी दिएका छन् । बुधबार सर्वोच्च अदालतले टीकापुर घटनाको मुद्दामा फैसलाको पूर्णपाठ सार्वजानिक गरेपछि चौधरीले लाल आयोगको प्रतिवेदन सार्वजनिक गर्न माग गरेका हुन् ।
सर्वोच्चको पूर्णपाठमा राष्ट्रपतिबाट आम माफी पाएका रेशम चौधरीको रिहाको विषय माथि गम्भीर प्रश्न उठाइएको छ । पूर्णपाठमा रेशम चौधरीकै नेतृत्वमा टीकापुर घटना भएको उल्लेख गरिएको छ । सर्वोच्चले उक्त पूर्णपाठ सार्वजनिक गरेपछि रेशमले भने लाल आयोगको प्रतिवेदन सार्वजनिक गर्न माग गर्दै उक्त प्रतिवेदन सार्वजानिक नगरे सडक, सदन र सरकारमा आन्दोलन गर्ने चेतावनी दिएका हुन् । उनले सामाजिक सञ्जालमा लेखेका छन्– ‘लाल आयोगको प्रतिवेदन सार्वजनिक गर्नुपर्छ । अब प्रतिवेदन सार्वजनिक नगरे हामी सडक, सदन, सरकारको साथै सबै प्रकारको आन्दोलन गर्न बाध्य हुनेछौं ।’
उनले समय आए सबै प्रकारको सामना गर्न आफू तयार रहेको पनि बताएका छन् । ‘सबैकुरा मैले बोल्नैपर्छ भन्ने छैन, अन्तरंग सबैकुराले हामी माथिको व्यबहार पुष्टि गर्छ । हामीले सबैकुरा सह्यौँ, सहिराखेकाछौं तर कहिलेसम्म सहने ?’ उनले लेखेका छन्, ‘हाम्रो विशुद्ध राजनीतिमा घुसपैठ गराएर अझै पुनः हाम्रै मान्छे प्रयोग गरेर हामीलाई अलग्याउन खोज्नु कदापि राम्रो होइन । हामीले हामी भित्रका गद्दार चिनेका छौं तर मुख खोलेका छैनौं, यसको मतलब यो होइन कि हामी अन्जान छौं । समय आए सबै प्रकारको सामना गरिन्छ ।’
