एनडुयु बर्नहम बेलायतका नयाँ प्रधानमन्त्री
एमालेको सार्वजनिक कार्यक्रमका लागि पाँच बुँदे मापदण्ड
वि.सं.२०८० साउन ३२ बिहीवार १७:४९
1.48K
shares
shares
काठमाडौं । नेकपा एमालेले अध्यक्ष बाहेक अरुको फोटो सार्वजनिक कार्यक्रममा प्रयोग गर्न रोक लगाइएको छ । अब सार्वजनिक कार्यक्रममा ओली बाहेक अरुको तस्बिर प्रयोगमा ल्याइन नपाइने भएको छ । एमालेले सार्वजनिक कार्यक्रमका लागि पाँच बुँदे मापदण्ड बनाएको छ । जसमा अध्यक्षबाहेको फोटो प्रयोगमा ल्याइन नपाइने उल्लेख छ । यसअघि एमालेले सार्वजनिक कार्यक्रममा पुष्पलाल, मदन भण्डारी र मनमोहन अधिकारीको तस्बिर सार्वजनिक गर्दै आएको थियो ।
एमाले उपमहासचिव विष्णु रिमालले साउन २९ गते बसेको बैठकको निर्णय भन्दै सार्वजनिक कार्यक्रममा फोटोको प्रयोग, आसन ग्रहण र मञ्च व्यवस्थापन सम्बन्धि निर्णय एमालेले नियमित परिप त्रमार्फत् पार्टी पंक्तिमा प्रेषित गर्ने जानकारी दिएका छन् । उनले लेखेका छन्, ‘कार्यक्रमको गरिमा र मर्यादालाई बढाउन पार्टी र जनसंगठनहरुले आयोजना गर्ने सार्वजनिक कार्यक्रममा पार्टी अध्यक्ष बाहेक अन्य फोटो प्रयोग नगर्ने सचिवालयको निर्णय भएको छ ।’ साथै, मञ्चको प्रयोग वक्ताले मात्र गर्ने, अतिथि र वक्ताहरुलाई दर्शकदीर्घामै मर्यादित ढंगले आसनको व्यवस्था मिलाउने, कार्यक्रममा आसन ग्रहणको उद्घोषण गरिरहने परम्परा अन्त्य गर्ने र कार्यक्रममा ब्याच, माला र खादाको अनावश्यक प्रयोग नगर्ने र कार्यक्रमलाई भड्किलो नबनाउने निर्णय पनि एमालेले गरेको हो ।
यसअघि एमाले अध्यक्ष केपी ओलीले कार्यक्रमहरुमा धेरैलाई आसनग्रहण गराएर समय बर्बाद नगर्न सुझाव आएको सामाजिक सञ्जालमा उल्लेख गरेका थिए ।
एमालेको सार्वजनिक कार्यक्रमबारे पाँचबुँदे मापदण्ड
१. कार्यक्रमको गरिमा र मर्यादालाई बढाउन पार्टी र जनसंगठनहरुले आयोजना गर्ने सार्वजनिक कार्यक्रममा पार्टी अध्यक्ष बाहेक अन्य फोटो प्रयोग नगर्ने ।
२. मञ्चको प्रयोग वक्ताले मात्र गर्ने ।
३. अतिथि र वक्ताहरुलाई दर्शक दीर्घामा नै मर्यादित ढंगले आसनको व्यवस्था मिलाउने ।
४. कार्यक्रममा तथा कार्यक्रम सुरु भएपछि आसन ग्रहणको उदघोषण गरिरहेन परम्परा अन्त्य गर्ने ।
५. कार्यक्रममा ब्याज, माला र खादाको अनावश्यक प्रयोग नगर्ने र कार्यक्रमलाई भड्किलो नबनाउने ।
