बालेन सरकारले संसदको सर्वोच्चतालाई अवमूल्यन गर्यो : नेपाली काँग्रेस
न्यायिक समितिमा जग्गा विवादका उजुरीको चाङ
वि.सं.२०७५ फागुन ५ आइतवार १२:०५
559
shares
shares
काठमाडौंं । टोखा नगरपालिकाको न्यायिक समितिमा जग्गा विवादको उजुरी बढी दर्ता भएको छ । समिति गठन भएयता ४३ उजुरी दर्ता भएकामा जग्गा विवादको २१ वटा उजुरी परेको छ ।
अधिकांश उजुरी साँध सिमाना, एक जनाको हकको जग्गा अरुबाट भोगचलन गरेको एउटाको जग्गा अर्काले मिचेको जस्ता उजुरी नगरपालिकाको न्यायिक समितिमा पर्ने गरेको उपप्रमुख ज्ञानमाया डंगोलले बताए ।
उनका अनुसार आर्थिक वर्ष २०७४÷७५ मा २९ वटा उजरी दर्ता भएकामा १० वटा जग्गा विवाद, पारिवारिक विवादको पाँच, सम्बन्धविच्छेदको चार, घर निर्माणको विवाद दुई र ठगी÷लेनदेनको दुई उजुरी दर्ता भएको बताए ।
यस अवधिमा १८ वटा मुद्दा किनारा लगाइएको छ । दुई उजुरी अदालतमा पठाएको, एउटा कार्यार्थ मालपोत कार्यालयलाई पत्राचार गरेको छ । तीन उजुरी मुलतवीमा राखिएको र बाँकी छ उजुरी प्रक्रियामा रहेको उपप्रमुख डंगोलले बताए ।
व्यक्तिगत तथा घरेलु हिंसाका उजुरी नगरपालिकाको न्यायिक समितिमा नपरेपनि घर-जग्गा विवाद, सम्बन्धविच्छेद, घर निर्माण विवाद र ठगी÷लेनदेनका उजुरी न्यायिक समितिमा पर्ने गरेका छन् ।
आर्थिक वर्ष २०७५-७६ मा १३ वटा उजुरी दर्ता भएकामा पाँच घर-जग्गा विवाद सम्बन्धी उजुरी परेको छ । त्यस्तै तीन पारिवारिक विवादका उजुरी दर्ता भएका छन् ।सम्बन्धविच्छेदका दुई वटा उजुरी परेका छन् भने एउटा घर निर्माण विवाद र बाँकी एउटा ठगी ÷लेनदेनसम्बन्धी उजुरी न्यायिक समितिमा दर्ता भएका छन् ।
नगरपालिकामा आउने उजुरी सबै लिखित रुपमा आउने गरेका छन् । उपप्रमुख डङ्गोलको संयोजकत्वमा रहेको समितिमा दुई जना कानून व्यवसायी सदस्य रहेका छन् । समितिले यहाँ दर्ता भएका मुद्दाको सुनुवाइका लागि प्रत्येक सोमबार इजलास राख्दै आएको छ ।
