विश्वकप : अहिले सम्म नकआउट चरणम को-को पुगे ?
जिम्मेवारी लिनेले धेरै बोल्ने होइन, काम गर्ने हो : गगन थापा
वि.सं.२०८० भदौ २१ बिहीवार १३:५९
520
shares
shares
काठमाडौँ । नेपाली कांग्रेसका महामन्त्री गगन थापाले सहमहामन्त्री महेन्द्र यादव माथि बुधवार भएको सांघातिक आक्रमणको भर्त्सना गरेका छन् । बिहीबार बसेको प्रतिनिधिसभा बैठकमा बोल्दै थापाले खुकुरी प्रहार गर्ने व्यक्ति सन्काहा भन्दै घटनालाई थामथुम पार्ने प्रयास भएको आरोप लगाए ।
यस विषयमा गम्भीरताका साथ सरकारले गहिरो अनुसन्धान गरी घटनाको यथार्थ बाहिर ल्याउन उनले ध्यानाकर्षण गराएका छन् । गृहमन्त्री माथि प्रश्न गर्दै थापाले बाहिर हिँड्न वा बोल्न नहुने हो भन्दै आक्रोश पोखे । ‘जिम्मेवारी लिनेले धेरै बोल्ने होइन, काम गर्ने हो । म प्रधानमन्त्री र गृहमन्त्रीलाई आग्रह गर्न चाहन्छु । संविधानसभा सदस्य भएको व्यक्ति सार्वजनिक कार्यक्रमबाट फर्किएर आउँदा खुकुरी प्रहार हुँदा उहाँहरूलाई पोल्नुपर्छ कि पर्दैन ? बोलेकै आधारमा सांघातिक आक्रमण गरेर जायज ठहराउन सक्छ’, सरकार माथि थापाले प्रश्न उठाए ।
कुनै पनि माध्यमबाट हिंसा जायज छ भन्ने भाष्य स्थापित गराउन खोजियो भने ठुलो गल्ती हुने उनको तर्क थियो । बुधवार राजधानीको रिपोर्टस क्लब नेपालमा भएको कार्यक्रम सकेर बाहिर आएपछि यादव माथि सांघातिक आक्रमण भएको थियो ।
