सरकारले आपत्ति जनाउँदै लिपुलेक हुँदै मानसरोवर यात्राको विरोधमा पठायो भारत–चीनलाई पत्र
प्रधानन्यायाधीश राणाले तोके ११ इजलास आज पनि इजलास नवस्ने सेवाग्राही मार्कामा
वि.सं.२०७८ कात्तिक १० बुधवार ११:३१
572
shares
shares
काठमाडौँ । विवादित प्रधानन्यायाधीश चोलेन्द्रशमशेर राणाले आजका लागि सर्वोच्च अदालतमा ११ इजालास तोकेका छन् ।विवादमा फसेका राणाले राजीनामा दिएर निकास दिनुपर्ने चौतर्फी माग उठिरहेका बेला राणाले आफूसहित अन्य न्यायाधीशका लागि इजलास तोकेका छन् ।सर्वोच्चका १४ जना न्यायाधीश प्रधानन्यायाधीश राणाले निकास दिनु पर्ने पक्षमा उभिएपछि दुई दिनदेखि सर्वोच्चमा सुनुवाइ हुन सकेको छैन ।
मंगलबार न्यायाधीशहरूले प्रधानन्यायाधीश राणासँग छलफल गरेका थिए । उक्त छलफलमा राणाले आफू संवैधानिक प्रक्रियाबाट आएको र त्यही प्रक्रियाबाट जाने बताएका थिए । कसैले सडकबाट माग्दैमा आफूले राजीनामा नदिने राणाको अडान सुनेपछि न्यायाधीशहरूले थप छलफल गरेका थिए।
उनीहरूले यसबारे आज पनि छलफल गर्दै छन् । न्यायाधीशहरू छलफलमा व्यस्त हुने भएकाले आज प्रधानन्यायाधीश राणाले तोकेका इजलास बस्ने सम्भावना छैन ।
नेपाल बार एसोसिएसनले प्रधानन्यायाधीश राणालाई राजीनामा दिन आह्वान गरेको छ । राणाले राजीनामा नदिए देशभरि आन्दोलन गर्ने बारले चेतावनी दिईसकेको छ । इजलास नवस्ने भएपछि सेवाग्राही मर्कामा परेका छन् ।
