विशेष अदालतको पासपोर्ट भ्रष्टाचार अभियोगमा मुछिएका ५ जना आरोपितहरूलाई धरौटीमा छाड्न आदेश
सामाजिक संजाल टिकटक माथि सरकारको कडाई, यी कार्य गरे जेल सजायँ हुने
वि.सं.२०८० कात्तिक १९ आइतवार १९:३२
754
shares
shares
काठमाडौं । सरकारले टिकटक लगायत सामाजिक सञ्जालमाथि कडाईं गर्ने निर्णय गरेको छ । टिकटकमा प्रतिनिधि सहित सुरक्षा अधिकारीहरुको गृह मन्त्रालयमा बसेको बैठकले यस्तो निर्णय गरेको हो । गृह मन्त्रालयले आज बिज्ञप्ति जारी गरी सामाजिक सदभाव बिगार्ने र चरित्र हत्या गर्ने गरी टिकटक बनाएको पाइएमा स्वतः हटाउने र कानूनी दायरामा समेत ल्याउने निर्णय भएको जनाएको छ ।
‘टिकटक मार्फत सामाजिक सदभाव बिगार्ने, घृणा तथा बिद्वेस फैलाउने, बिशिष्ट ब्यत्तिःहरुको मानमर्दन गर्ने, जातीय, धार्मिक, सामाजिक सदभाव बिगार्ने र अश्लिल खालका गतिबिधि तथा सामाग्रीहरु हटाउन र त्यस्ता कार्य गर्ने ब्यक्तिहरु पत्ता लगाई कानूनी कारवाहीको दायरामा ल्याउन सहज भएको छ,’ गृह मन्त्रालयका प्रवक्त सहसचिव नारायणप्रसाद भट्टराईले जारी गर्नुभएको बिज्ञप्तिमा भनिएको छ । भट्टराईका अनुसार टिकटकको कार्यालय सिंगापुरका प्रतिनिधि, गृह, सञ्चार तथा सूचना प्रबिधि मन्त्रालय र सुरक्षा निकाय सहित बसेको बैठकले टिकटकमा आपत्तिजनक सामाग्री पोष्ट भइरहेको निश्कर्ष पनि निकालिएको छ ।
गृह मन्त्रालयले अव टिकटकको नाममा भइरहेको आपत्तिजनक कार्यलाई छुट नदिने भन्दै बिज्ञप्तिमा भनेको छ, ‘अतः जिम्मेवार नागरिकको रुपमा कानूनसम्मत शिक्षामुलक र सामाजिक सदभाव नबिगार्ने सामाग्री मात्र प्रकाशन, प्रशारण गरी असल नागरिकको भूमिका निर्वाह गर्न र गैरकानूनी कार्य गरेबापत हुने कानूनी कारवाहीबाट बच्न पनि सम्बन्धित सवैमा अनुरोध गरिन्छ ।’
