पूर्वअर्थमन्त्री विष्णु पौडेलको बन्दीप्रत्यक्षीकरणको रिट खारेज
संविधान संशोधनको कुरा गर्दा हामी केही विषयमा स्पष्ट हुन आवश्यक छ : देउवा
वि.सं.२०८१ माघ १८ शुक्रवार १५:२८
845
shares
shares
काठमाडौं । नेपाली कांग्रेसका सभापति शेरबहादुर देउवाले संविधान संशोधन गर्दा संविधानका आधारभूत विशेषता कमजोर हुन नहुने बताएका छन् ।
प्रतिनिधिसभाको आजको बैठकलाई सम्बोधन गर्दै कांग्रेस संसदीय दलका नेतासमेत रहेका देउवाले संघीय लोकतान्त्रिक गणतन्त्रात्मक शासन व्यवस्था र समावेशितालगायतका संविधानका आधारभूत विशेषता कमजोर हुन नहुने बताए ।‘संविधान संशोधनको कुरा गर्दा हामी केही विषयमा स्पष्ट हुन आवश्यक छ, संविधान संशोधन गर्दा बहुलवादमा आधारित बहुदलीय प्रतिस्पर्धासहितको संघीय लोकतान्त्रिक गणतन्त्रात्मक शासन व्यवस्था र समावेशितालगायतका संविधानका आधारभूत विशेषता कमजोर हुनुहुँदैन,’ उनले भने ।
देउवाले संविधान प्रारम्भ भएको दश वर्ष भइसकेकाले संविधानको अभ्यासको समीक्षा गर्ने समय आएको बताए ।‘संविधान प्रारम्भ भएको दश वर्ष भइसकेको छ । दश वर्षको अन्तरालमा संविधानको अभ्यासको समीक्षा गर्ने भनिएकै छ,’ सभापति देउवाले भने, ‘संविधान कार्यान्वयनमा देखापरेका सबल र दुर्वल पक्षको अध्ययन र पहिचान गरी आवश्यकताअनुसार संविधान संशोधनको परिमार्जन गर्नुपर्दछ ।’ देउवाले राजनीतिक दलहरूका बीचमा सहमतिका आधारमा संविधान संशोधन गर्नुपर्ने बताए । संविधान संशोधनका विषयमा छलफल प्रारम्भ भइसकेको भन्दै अन्य राजनीतिक दलहरूसँग पनि संवाद, सहमति र सहकार्यका साथ अघि बढ्नुपर्ने बताए ।
