सम्पति शुद्धिकरण निवारण अध्यादेश जारी
ललितपुरको बाउँनडाँडामा मिनीट्रक दुर्घटना, ४ जनाको निधन
वि.सं.२०८२ फागुन २ शनिवार ०९:००
1.12K
shares
shares
ललितपुरको कोन्जोसोम गाउँपालिका–१ बाउनडाँडामा मिनिट्रक दुर्घटना हुँदा चार जनाको मृत्यु भएको छ।
लेलेबाट बालुवा लिएर कालेश्वरतर्फ जाँदै गरेको बागमती प्रदेश–०१–००४ क ६२२८ नम्बरको मिनिट्रक गएराति करिब ९ बजे सडकबाट अन्दाजी ५ सय मिटर तल खसेको प्रहरीले जनाएको छ।
दुर्घटनामा ट्रक चालक ललितपुरको गोदावरी नगरपालिका–६ का ५२ वर्षीय गणेश खड्का र सोही स्थानका ४२ वर्षीय गणेश थापाको घटनास्थलमै मृत्यु भएको छ।यसैगरी ट्रकमा सवार अन्दाजी ४० वर्षीय र ५० वर्षीय दुई पुरुषलाई उपचारका लागि पाटन अस्पताल पुर्याइए पनि चिकित्सकले मृत घोषणा गरेका थिए ।
उनीहरूको सनाखत हुन बाँकी छ।दुर्घटनाको कारणबारे अनुसन्धान भइरहेको जिल्ला प्रहरी परिसर ललितपुरले जनाएको छ।
