हसिना बंग्लादेश फर्किए मृत्युदण्डको फैसला कार्यान्वयन गरिने चेतावनी
ममता काफ्लेको हत्या प्रकरणमा पति नरेश भट्ट दोषी ठहर
वि.सं.२०८३ कात्तिक २५ बुधवार ०८:१४
91
shares
shares
काठमाडौं । अमेरिकामा नेपाली नर्स ममता काफ्ले भट्टको हत्या प्रकरणमा उनका पति नरेश भट्ट दोषी ठहर भएका छन् ।
भर्जिनियाको प्रिन्स विलियम काउन्टीस्थित जुरीले सन् २०२४ मा आफ्नै श्रीमती ममताको हत्या गरेको अभियोगमा नरेशलाई दोषी ठहर गरेको हो ।जुरीले उनलाई शव लुकाएको र शव क्षतविक्षत पारेको अभियोगमा समेत दोषी ठहर गरेको छ ।
उनको सजाय निर्धारण आगामी मार्च १२ का लागि तय गरिएको छ ।भट्टको हत्या मुद्दामा मंगलबार अन्तिम बहस सकिएपछि अदालतले फैसला सुनाएको हो ।
अदालतमा बयान दिने क्रममा नरेशले घरमा पत्नी मृत अवस्थामा भेटिएको र आफूले डरका कारण शव टुक्रा पारेर फालेको स्वीकार गरेका थिए । तर, हत्या गरेको आरोप भने अस्वीकार गरेका थिए । ममताको शव अझै फेला परेको छैन ।
