आज मंगलबार सुनको मूल्य ४५ सयले घटयो, कतिमा हुँदैछ कारोबार ?
बाजुरामा आज ३ बजे देखी मतगणना सुरू
वि.सं.२०७९ मंसिर १५ बिहीवार १६:१४
585
shares
shares
बाजुरामा बिहीबार दिउँसो साढे ३ बजे मतगणना सुरू हुँदै छ। बिहीबार जिल्लामा सर्वदलीय बैठक बसेर सहमति भएपछि मतगणना सुरू हुने निर्णय गरिएको जनाइएको छ। जिल्ला निर्वाचन कार्यालय बाजुराका प्रमुख नवराज अवस्थीले आज दिउँसो साढे तीन बजे मतगणना सुरू हुने जानकारी दिए।
यसअघि मंसिर ४ गते भएको विवादका कारण भएका घटनाका कारण मतगणना कार्य सुरू हुन सकेको थिएन। त्यहाँको घटना बारे बुझ्न निर्वाचन आयोगको टोली बाजुरा पुगेको थियो।
टोलीले त्यहाँको वस्तु स्थिति बुझेर प्रतिवेदन तयार पारेर बुधबार मतगणना सुरू गर्न जिल्ला निर्वाचन कार्यालयलाई निर्देशन दिएको थियो। तर बुधबार बैठकमा दलहरु सहभागी भएनन्। बिहीबार भने दलहरू बीच सहमति भएपछि मतगणना सुरू गर्ने तयारी थालिएको हो।
