सहकारी संस्थाले ऋणी सदस्यलाई हर्जाना लगाउँदा असुल हुन बाँकी ब्याजको ५ प्रतिशतसम्म मात्र लिन पाउने
यु १९ विश्वकपमा नेपालको लगातार तेस्रो जित
वि.सं.२०७९ फागुन १५ सोमवार १६:३१
728
shares
shares
काठमाडौँ – आगामी वर्ष श्रीलंकामा हुने यु–१९ विश्वकपको एसिया छनोट अन्तर्गत युएईमा जारी खेलमा नेपाली युवा टिमले लगातार तेस्रो खेलमा जित निकालेको छ। सोमबार आफ्नो तेस्रो खेलमा नेपालले हङकङ माथि ९ विकेटको जित हासिल गरेको हो।
नेपालविरुद्ध पहिले ब्याटिङ गरेको हङकङले ४६.३ ओभरमा अलआउट हुँदै १ सय २० रन बनाएको थियो। उक्त लक्ष्य नेपालले २२.१ ओभरमा १ विकेट गुमाएर पूरा गर्यो। नेपालको सहज जितमा ओपनर आकाश त्रिपाठीले ६४ रनको अविजित इनिङ खेले। त्यस्तै, उनलाई उतम रङ्गु थापा मगरले ३९ रन बनाएर साथ दिए। यी दुईबीच दोस्रो विकेटका लागि ९८ रनको अविजित साझेदारी भएको थियो। त्यसअघि ओपनर अर्जुन कुमाल १६ रनमा आउट भएका थिए।
त्यसअघि पहिले ब्याटिङ गरेको हङकङका लागि पर्थ भग्वतले ३६ रनको इनिङ खेल्दा मोहमद अलियात जाहिरले २९ रन बनाएका थिए। त्यस्तै, थप दोहोरो स्कोरका रुपमा आहन त्रिवेदीले ११ रन बनाएका थिए।
