मन्त्रिपरिषद् बैठकका ८ निर्णय सार्वजनिक
एकीकृत समाजवादीको केन्द्रीय सचिवालय बैठकको स्थायी कमिटी देखि केन्द्रीय कमिटी बैठक सम्म बोलाउने निर्णय
वि.सं.२०८० साउन ६ शनिवार ०७:२९
572
shares
shares
काठमाडौँ। नेकपा एकीकृत समाजवादीको केन्द्रीय सचिवालय बैठकले स्थायी कमिटीदेखि केन्द्रीय कमिटी बैठकसम्म बोलाउने निर्णय गरेको छ । गत शुक्रबार सुरु भएर हिजो सकिएको बैठकले साे निर्णय गरेको हो । बैठकले पार्टीको महाधिवेशन माघ वा फागुनमा गर्ने सहमति जुटाएको छ । तर महाधिवेशनको मिति भने अब बस्ने केन्द्रीय कमिटी बैठकले तोक्नेछ ।
केन्द्रीय सचिवालयको प्रस्तावमा केन्द्रीय कमिटी बैठकले महाधिवेशनको मिति तय गर्ने प्रचार विभाग प्रमुख जगन्नाथ खतिवडाले जानकारी दिए । त्यसका लागि सो पार्टीले साउन १५ गते सचिवालय बैठक, १६ र १७ गते स्थायी कमिटी, १८ र १९ गते पोलिट्ब्यूरो बैठक तथा २० र २१ गते केन्द्रीय कमिटी बैठक बोलाउने निर्णय सचिवालय बैठकले गरेको छ । साउन १५ भित्र अहिले सचिवालय बैठकमा भएका छलफललाई मर्त रुप दिने पनि सो पार्टीले जनाएको छ । बैठकमा राजनीतिक र वैचारिक विषयमा छलफल भएकाे छ भने राष्ट्रिय इस्युमा एकीकृत धाराणा बनाएर अघि बढ्ने निष्कर्ष निकालिएको छ ।
बैठकले सरकार प्रभावकारी बन्न नसकेको ठहर गर्दै आगामी दिनमा सरकारलाई प्रभावकारी ढंगले सञ्चालन गर्न जरुरी रहेको निष्कर्ष निकालेको छ । साथै नेकपा एकीकृत समाजवादीले सिंगो मुलुकको विकास र सम्मृद्धिको योजना निर्माण र जनदवाव सिर्जना गर्ने केन्द्र बन्ने प्रचार विभाग प्रमुख खतिवडाले बताए ।
