संसदबाट निर्वाचित कार्यकारी प्रधानमन्त्री नै उपर्युक्त

विभिन्न समयमा जनताले बलिदानीपूर्ण संघर्ष तथा जनआन्दोलनबाट स्थापित लोकतान्त्रिक प्रणालीलाई थप उन्नत, उदार...

Abhiyan Weekly

विशेष अदालतको पासपोर्ट भ्रष्टाचार अभियोगमा मुछिएका ५ जना आरोपितहरूलाई धरौटीमा छाड्न आदेश विशेष अदालतको विष्णु पौडेललाई थप तीन दिन हिरासतमा राख्न अनुमति ट्राफिक प्रहरीले हटायो गृहमन्त्री र सचिवको गाडीको कालो सिसा गृहमन्त्रीको सवारी साधनमा जडान गरिएको कालो सिसा हटाउने कामलाई तीव्रता दिन ट्राफिक प्रहरीलाई निर्देशन आज सोमवार सुनको मूल्य १४०० ले घटयो यस्तो छ आज सोमवारका लागि तोकिएको विदेशी मुद्राको विनिमय दर कोशी, मधेस र बागमती प्रदेशका सम्पूर्ण भू–भाग, गण्डकी प्रदेशको केही भू–भाग र लुम्बिनी प्रदेशको पूर्वी... सहकारी संस्थाले ऋणी सदस्यलाई हर्जाना लगाउँदा असुल हुन बाँकी ब्याजको ५ प्रतिशतसम्म मात्र लिन पाउने ग्लोबल आइएमई बैकद्धारा उधमशाला कार्यक्रमको घोषणा, आवेदन खुल्ला नेपालमा आगामी दुई दिन मनसुनी गतिविधि थप सक्रिय हुने रमेश लेखकले मागे जेनजी आन्दोलनसम्बन्धी आयाेगकाे प्रतिवेदन श्री एयरलाइन्सको जहाज ककपिटमा धुवाँ देखिएपछि आपतकालीन अवतरण

काठमाडौं नाइट्सका कप्तान ज्ञानेन्द्र मल्लले खेलाडी तथा फिजियोले पाउनुपर्ने उचित रकम नपाएको भन्दै क्यानलाई पत्र पठाएर ध्यानाकर्षण गरे

Abhiyan Weekly

वि.सं.२०८० असोज २ मंगलवार १६:५५

1.05K
shares

काठमाडौं । नेपाल टी–२० लिग खेलेका काठमाडौं नाइट्सका खेलाडी तथा फिजियोले अहिलेसम्म पनि पारिश्रमिक नपाएको भन्दै नेपाल क्रिकेट संघ क्यानको ध्यानाकर्षण गराएका छन् । काठमाडौं नाइट्सका कप्तान ज्ञानेन्द्र मल्लले खेलाडी तथा फिजियोले पाउनुपर्ने उचित रकम नपाएको भन्दै क्यानलाई पत्र पठाएर ध्यानाकर्षण गरेका हुन् ।

उनले पत्रमा खेलाडी र टिमले पाउनुपर्ने रकम निकासा गर्न क्यानले प्रतिबद्धता पत्रमा हस्ताक्षर गरे पनि अहिलेसम्म कुनै पनि औपचारिक जानकारी नआएको र कुनै पनि प्रक्रिया अगाडि नबढेकोले क्यानको ध्यानाकर्षण गरेको बताएका छन् । उनले आफूहरुले पाउनु पर्ने रकम निकासका बारेमा क्यानबाट कुनै पहल नभएमा आवश्यक कदम चाल्ने चेतावनी पनि दिएका छन् । क्यानले भने खेलाडीलाई पारिश्रमिक उपलब्ध गराउने प्रक्रियामा नै रहेको बताएको छ ।

क्यानका कार्यवहाक सचिव दुर्गा पाठकले अनलाइनखबरसँग भने, ‘क्यान व्यक्ति होइन, संस्था हो । तत्कालीन समितिले खेलाडीलाई पारिश्रमिक उपलब्ध गराउने जिम्मेवारी लिएको हो, हामी सक्दो छिटो खेलाडीलाई पैसा उपलब्ध गराउने प्रक्रियामा छौं ।’ गत पुसमा भएको लिगको कमर्सियल र स्ट्राटेजिक राइट्स क्यानले भारतीय कम्पनी सेभेन थ्री स्पोर्ट्सलाई दिएको थियो । तर प्रतियोगिता विवादमा परेपछि सेभेन थ्री स्पोर्ट्सका जतिन अहलुवालिया भारत भागेका थिए ।सेभेन थ्रीले नदिए आफूले पुरस्कार र पारिश्रमिक दिने प्रतिबद्धता नेपाल क्रिकेट संघ क्यानले गरेको थियो र प्रतियोगिता सम्पन्न भएको थियो ।

‘हामी कानुनी प्रक्रियामा छौं, व्यक्तिबाट धोका भए पनि संस्था कतै भाग्दैन । हामी सबै खेलाडीले पाउनुपर्ने रकम निकासा गर्नेछौं’, पाठकले भने । प्रतियोगिता सहभागी ६ मध्ये २ टिमका खेलाडीले पारिश्रमिक पाएका छैनन् । लुम्बिनी अलस्टार्ससहित, जनकपुर रोयल्स, पोखरा एभेन्जर्स र विराटनगर सुपर किङ्सले नेपाली खेलाडीलाई पारिश्रमिक दिएको भए पनि काठमाडौं नाइट्स र फारवेष्ट युनाइटेडले नेपाली खेलाडीलाई ५० प्रतिशत पारिश्रमिक दिन बाँकी छ ।यी टिमले श्रमस्वीकृती लगायतका कारण देखाउँदै विदेशी खेलाडीलाई रकम दिएका छैनन् । नेपाल टी–२० लिग क्रिकेटको उपाधि विजेता लुम्बिनी अलस्टार्सले पनि अझै पुरस्कार रकम नपाएको गुनासो गर्दै आएको छ ।

प्रकाशित मिति / समय : वि.सं.२०८० असोज २ मंगलवार १६:५५