आज मंगलबार सुनको मूल्य ४५ सयले घटयो, कतिमा हुँदैछ कारोबार ?
भैँसीको पुजा गर्नेले नै भैँसीको मासु निर्यात गर्ने रे ?
वि.सं.२०८० असोज १९ शुक्रवार १६:३९
520
shares
shares
काठमाडौ । प्रधानमन्त्री पुष्पकमल दाहाल भाद्र ३० गते संयुक्त राष्ट्रसंघको महासभामा भाग लिन नेपाली प्रतिनिधिमण्डलको प्रतिनिधित्व गर्दै अमेरिका गएका थिए । महासभालाई सम्बोधन गरेपछि असोज ५ गते अमेरिकाबाटै उनी सप्ताहव्यापी चीन भ्रमणमा पुगे । प्रधानमन्त्री दाहालले चीन भ्रमणको बेला केही महत्वपूर्ण सहमति हुने संसदलाई बताएका थिए । तर प्रधानमन्त्री दाहालको चीन भ्रमण उपलब्धिमूलक हुन सकेन ।
केही झिना मसिना कुराहरुमा सहमति र समझदारी भएपनि ठोस सहमति हुन सकेन । सहमति भएका कतिपय बुँदाहरु पहिला नै सहमति भएका र कुही बुँदाहरुमा उल्लेख गरिएका विषयहरु पहिला नै कार्यान्वयनमा आइसकेका छन् । प्रधानमन्त्रीको चीन भ्रमणको उपलब्धी भनेको नेपालबाट भैसीको मासु चीन नियार्त गर्ने हो भन्ने नै हो ।
प्रधानमन्त्री दाहालले केही वर्ष पहिला धरान पुगेर भैसीको पुजा गरेका थिए । अहिले चीन भ्रमणको बेला उनले त्यही भैँसीको मासु चीन निर्यात गर्ने सहमति गरेका छन् ।
भैँसीको पुजा गरेपछि उनी प्रधानमन्त्री बनेका थिए भने अब भैसीको मासु चीनमा नियार्त गर्ने सहमति गरेर स्वदेश फर्किएका हुनाले त्यही भैसीले सरापेर उनी पदमुक्त हुन सक्ने प्रबल सम्भावना रहेको छ । मुलुक यतिबेला संकटको संघारमा उभिएको छ ।
प्रधानमन्त्री दाहालकै भनाईका कारण मुलुकमा जातीय दंगा हुन सक्छ । आफ्नो सत्ता स्वार्थका लागि उनी जे बोल्न पनि पछि पर्देनन् । केही समय पहिला आफ्नो पार्टीलाई बहुमत दिएको खण्डमा जातीय राज्य दिन्छु भनेर सार्वजनिक रुपमै उद्घोष गरेका थिए । त्यही उद्घोषले गर्दा कोशीप्रदेशमा जातीय दंगा फैलिएको छ ।
जातीय राज्य दिने अधिकार प्रधानमन्त्री दाहाललाई कसले दियो ? संविधानले बन्देज लगाएका कुराहरुमा बोल्ने र आफै सरकार प्रमुखमा बस्ने दोधारे चरित्रले गर्दा दाहालको चीन भ्रमण पनि फास्सफुस्स भएको छ ।
मुलुक संकटतिर उन्मुख हुनुको कारण प्रधानमन्त्री दाहाल नै भएकाले गर्दा अब ढिलो नगरी नेपाली कांग्रेसले दाहाललाई दिएको समर्थन फिर्ता लिएर नेकपा एमालेको सहयोग र समर्थनमा आफ्नै नेतृत्वको सरकार निर्माण गरेर मुलुकलाई संकटबाट बचाउनुपर्दछ । यदि कांग्रेस दाहालकै भरिया भै रहने हो भने मुलुकमा उत्पन्न हुन सक्ने संकटको जिम्मेवारी कांग्रेसले समेत लिनुपर्दछ । जनता महंगी असुरक्षाको मारमा परिरहेका बेला लोकतान्त्रिक पार्टी हौँ भन्ने कांग्रेसले अब व्यक्तिगत स्वार्थलाई त्यागेर मुलुकको हितको लागि अघि बढ्नु उसको कर्तव्य समेत हो ।
